Олунньу 11 күнүгэр Уус Алдан улууһугар – түмсүү уонна бииргэ үлэлээһин, Хоро нэһилиэгэр доруобуйа уонна чэбдигирии сылларын чэрчитинэн Хоро нэһилиэгэр тэрилтэлэр уонна олохтоох нэһилиэнньэ хамаандаларын икки ардыларыгар комлекснай спартакиада үөрүүлээхтик арылынна.
Бу спартакиада 2026 сыл устата ыытыллыаҕа, уопсайа 4 хамаанда күрэххэ кыттыыны ылар:
- Олохтоох дьаһалта, «Түмсүү» НАК, Почта, Библиотека үлэһиттэрэ;
- Майа5астаа5ы ОДьКХ, «Чуораанчык» о/у үлэһиттэрэ;
- Майаҕастааҕы орто оскуола үлэһиттэрэ;
- Олохтоох нэһилиэк сүүмэрдэммит хамаандата.
10 араас спорт көрүҥэр бу хамаандалар илин-кэлин түсүһүөхтэрэ, ол курдук:
- Хабылык, Хаамыска;
- Бильярд;
- Волейбол;
- Дартс;
- Остуол тенниһэ;
- Буулдьанан ытыы;
- Дуобат;
- Саахымат;
- Төрүт ох саатынан ытыы;
- Эстафета.
Ону сэргэ, ФЛГга түһүү, «Мүрү саһарҕата» хаһыакка сурутуу, Диспансеризация, Субуотунньуктарга көхтөөхтүк кыттыы аналлаах критерийынан, баалларынан сыаналаныахтара.
Хамаандалар хас биирдии спорт көрүҥүн аайы тупсаҕай оҥоһуулаах түөскэ кэтэр мэтээлинэн, грамоталарынан уонна көһө сылдьар кубогынан наҕараадаланыахтара.
2026 сыл түмүгэр кыайыылаах хамаанда 50 000 солк., 2 миэстэ 30 000 солк., 3 миэстэ 20 000 солк. «Хоро нэһилиэгэ» тыа сирин түөлбэтэ олохтообут харчынан бириэмийэтинэн наҕараадаланыа.
Күн бэҕэһээ спартакиада бастакы күрэҕэ Хабылык уонна Хаамыска көрүҥэ буолан ааста. Ыһыылаах-хааһыылаах бэрт сэргэх күрэх буолла. Ол курдук, 123 очколаах 1 миэстэни ыллылар Олохтоох дьаһалта сүүмэрдэммит хамаандата (Дмитрий Андросов, Николай Костромин, Лариса Скороходкина, Ульяна Скороходкина), 2 миэстэни 103 очколаах Майаҕас орто оскуолатын хамаандата (Юрий Кычкин, Мичил Прокопьев, Мария Прокопьева, Сардана Андросова), 3 миэстэни 53 очколаах ОДЬКХ, «Чуораанчык» о/у хамаандата (Алексей Аргунов, Николай Бурнашев, Туяра Яковлева, Надежда Петрова) уонна 4 миэстэни 48 очколаах Нэһилиэк хамаандата (Роберта Михайловна Петрова, Филипп Сивцев, Константин Аммосов, төрдүс кыттааччы кыайан булбатылар).
